Khamachuk: Media eina Mirin

by: A Blessing Muinao

Media hina fourth pillar sada aja okathuili pangshap khalei pakra akha ngasadalei. Media field hila ayur kachungkha leidalei kala aruihon smartphone eina internet access leihaokida mi kachungkhanala explore sakapaiya area akhana kala sapapamdalei media platforms kachungali. Journalism, Mass communication kala Visual Communicationwui background makhaleiya chila writing skill kala content create sakathei leihaiakha manga kakhui leikapdalei. Kala hili interest khalei kachungana hangkahaiya course degree mathada kupsanglaga campus placement, internships kala start-up salaga professional salak eina ot sazatdalei. Hiwui field hili apong ngateida ichichawui interest athisurda specialise sangarokdalei chiya news reporting, news editing (print journalism), photography, film-making, graphic designing, public relations, broadcast journalism (radio/TV), Content writing (online digital platforms), advertising agency, news agency, academic (teaching/research), mobile journalism (mojo), Social media communication, blogging, audio/sound production, event management kala Visual communicationli specialise kasabingna technical aspect Audio/Visual Arts, animation etc li rinda saya. Langmeida aruihon corporate communication kala public relations hina social responsibility khuikhavai akap akha sada organisation kachungkhali sichindalei.

Opportunities (sakhavai) kachungkha leidalei kala hi katamhi amanla sakpapamma specialisation athisurda (akap-akai sichinhaokida – softwares & hardwares). Journalism hi mataimeithuida yaruiwuivang otram khangatha ngasahaokida hiya service-oriented na kala income ungkazangla yangakha phalakka da khuiya. Aruihon lockdown atam hili Media outlets sustain masakharar kachungana financial support vathaokida employees layoff/furlough (khuishok/katat kahai/suspend sakahai) kachungkhala shokpapamdalei.

Ithumwui apamli media organisations hila mathada manganingkhuiranga dala hangaiya. Hiwui maram kachungkhala leisara, apamwui kasak-kapai kala shorkar eina ashangvawui sharuk kakhuila zanga. Teomameida rarsang-reisang mamandalei. Thuikahai atamli kala aruihonla journalists kala news orgnisationsli khamachitla theihaira kala langmeida infrastructure, capital, technology facility kala skilled professionals khavat einala hapkakhano leikapra. Universities kala colleges lila hiwui subject katam kala professional salak eina ot sadakhleila chungsang mamaanhaira. Hi tamkhui kahai kachunganala venture sada ichachawui portfolio mathada semkhuida organisation khamathalila ot sadalei kala kaikhana ichichawui company/organisationli sangarokdalei. Hiwui ngachaili Ishi tangkhulnaola zangkapdalei.

Media – fourth estate, watchdog, whistleblower dala kathei hiya – democratic environment wui kashok kazang check and balances mashun chili khamashung athisurda objective salak eina chitheimida dialogue kasa hina khamataiya principle akhana. Yaruili service khami kala mataimeithuida chotchangdakhalei mavashungkharar bingwuivangna. Lakhashong yangakha katei entertainment, publicity, promotion, events, etc kasa hila business perspective eina zatdalei. Chithada sada ichachawui principle/sakhangai/phabkata athisurda ot kasa ayurbinghi kapangkhuira – sepa kasa/business commercial profits perspective model eina khamachuk.

Sustainable economy semsa chihaiakha phungdakhlei shorkar (all levels), ashangva, tamkhuikahai media professionals kala mi kachivawui khangachon ningkasang phabtakhami darkar saya. Financial support kala sustainable management model leikhangarok grassroot level eina tangda vakashung hi darkar sahaira. Statewui capital eina district headquarters mangli maningla kha tangkhul ram kachivali vashungshapkhavai ngarankhami hi leikhavai ningrin kasa. Ram kanshokda kashok kazangwui chanpao mi kachivali samphangshapkhavai channel semkhami darkar sahaira. Khamashunga information samkaphanghina reikasang khuirara. Hikatha channel semkhami eina employment opportunities kachungkhala samphangra. Kha skill leida platform maleiakha stagnant sakahai or suitakahai leikappa.

Shimshongla sakapai apong kachungkha leisara. Azingli teomeikha kachithei hi machukngarumsa kala hili sakathei leisaakha ithum explore sangarumlaksa.

Areas bing:

Print media (Newspapers, Magazine etc – Reporting, editing, layout designing and printing etc), Broadcast (Radio kala TV – anchoring, scriptwriting, reporting, editing), Graphic designing (Banners, invites, brochures, greeting cards, presentations etc), Film Industry (Direction, production, studio related technical areas, cinematography, scriptwriting, music and background scores, promotion, editing, animation, theatre etc), Event Management (Live events, concert, exhibitions, seminars, workshops, Conferences etc), Public Relations (PSUs kala Private sector lila sangarokserdalei, institutions kachida ara PRO leingarokserdalei), Software knowledge khaleibingna kachungkha venture sangarokdalei aruihonva: website designing, graphic designingli ningkasang (sketching, drawing, cartooning sakathei), audio/video production – common salak kahai softwares bingna Photoshop, InDesign, illustrator, Dreamweaver, CorelDRAW, Adobe Audition/Cubase/Logic Pro, Adobe Premier Pro etc hibinghi einala studio katha sholaga self-sustain sangarokdalei. Photographyla chipapamma – project tarakha sangarokdalei events ngatateidawui – eg: wedding, concerts, exhibition, advertisements, fashion etc kala khararchan kapikatheibingna lairik la kapishokda ngayaodalei apam kachungali (fiction/non-fiction: eg tangkhulwui literature khavathi hikatha kapikashok eina kachungkha awor thangkhamei mataisangra). Kala kaikhana academic shongla zatpapamdalei. Journalism/Communication tamkhuikahaibingna Colleges/Universitiesli Professors sangarokdalei kala PhD Scholars sada research areas la opportunities khamathatha leipapamma scholarship samphangmamanda. Langmeida central governmentwui otpamla exam thalaga sangarokdalei (Refer Ministry of information and Broadcasting website).

Kaikhana ot ngateida salala atamwui lungli lairik kakapi kala khararchan kahanghi ningsanghaokida Independent salak eina freelancer akha sadala sangarokdalei – Stateli, townli kala ramli kashok kazang khamashung eina kapishokta media outletsli aman khuilaga chihoshokdalei kala blog (eg: Medium) la semngarokda archive sadalei. Hila pailak eina sapaiya, ara online eina chihongarokhaokida kala hi media outlets globally freelance reports ningkasangla leikapdalei. Atungli hangkahai thada, smartphone eina internet leingarokhaoda aruihonva citizen journalism/mobile journalism (mojo) la sangarokserdalei. Hikathahila opportunities phapaiya, portfolio kasem atam zanglala kha kachikatha content ngayaoshokdalei kachiwui quality yangphalungra – eg. social media platformsli kachungkha sangarokdalei – hikathahila collaborate sangarokda khamatha channel akha ngasapai yaruiwuivang. Kha mamalai ngasak khangai akhava ethical standard khalei kala media laws and ethics wui maramli kathei darkar saya. Hina chihoshokdakhlei content chiwui legality justice samira kala hi thuklak eina kathei khamataiya na – eg – privacy, copyrights, defamation, sedition, cyber laws etc kala media related Acts tarakha leidalei.

Khanaoli, opportunitiesva kachungkha leiya, ithumwui wui hotkhana ningkasang kala resource sichinkathei kala mashungda sakhuikatheili khaleina. Hili akap-akai sichinkikachi areasbingva amanla zangra kha investment kasava machukajaklaga mathada phabkata eina khalei sakathei athisurda sangarokra. Mahaimeirano kala reikasang ngasarano.

Disclaimer: The Arek do not claim ownership of this article. This article is written by A Blessing Muinao, Assistant Professor, Department of Journalism, Madras Christian College, Chennai, blinkmeyah@gmail.com, blessingmuinao@mcc.edu.in.

To cite this article: Muinao,T.A. (2020). Covid-19 Khamachuk: Media eina Mirin. Antalagí Ideón [Sharing Ideas for a Better Tommorow], 1(1) , 55-57.

Author: ArekEditor

The Arek is an online repository journal published in English and Tangkhul languages. It is solely for educational purposes in the forms of online archives.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s